XUÑO 2026

 

SORPRESA!

Chegou a noticia un pouco tarde de máis, porque a rapazada xa está de vacacións, pero que alegría igualmente cando se enteraron.

E ben merecido está!

Acabamos de recibir o diploma que recoñece todo o noso traballo en favor do medio ambiente.

MAIO 2026

 

Non podemos estar máis orgullosos da nosa comunidade educativa.

Estamos de parabéns. Os dous principais proxectos con forte implicación das familias nos que traballamos neste curso 25-26 recibiron cadanseu premio:

Un Accéit no Certame de Cooperatismo no ensino para O noso patio soñado e

o 2ºPremio no Concurso Somos Rural para Muíños.

Traballar de forma colaborativa ten premio!!!

ABRIL 2026

 

   Responsabilidade e compromiso é o que nos pide cada ano a Campaña Mundial pola Educación. Un pequeno xesto simbólico axúdanos a lembrar que a EDUCACIÓN é un dos maiores motores de transformación.

O mes de abril brindounos este ano a oportunidade de realizar unha nova actividade solidaria, altruísta, cooperativa e ecolóxica: un troco de libros!

Foi todo un éxito!

Polo Día do Libro o grupo de voluntariado de biblioteca achégase á Residencia de Maiores para ofrecerlles aos usuarios e usuarias o seu tempo, o seu traballo e a súa alegría.

E, antes do gran día, comparten isto cos seus compañeiros e compañeiras!

Coma sempre, fixemos a xornada de apadriñamentos lectores que tanto nos gusta. Compartir tempo e libros cos nenos e nenas máis pequeno, encántanos!

Isto tamén é ser solidarios! Moitos pequerrechos non saben ler!

E seguimos contando con mamás lectoras!

PATRIMONIAMOS!

O obradoiro deste curso con Ramón Molina foi sobre o 

patrimonio galego.  Canto nos gustou! Que ben o pasamos!

MARZO 2026

 

Un ano máis, chegou o día dos calcetíns desaparellados!

Con este xesto tan sinxelo, queremos reivindicar a INCLUSIÓN.

O día 13 de marzo recibimos na nosa biblioteca á Directora Xeral de Xuventude!

Veu presentarnos os novos Pasaportes Solidarios.

Que honra que escollera o noso centro!

8M

Cantas actividades fixemos polo 8M.

Nunca nos cansaremos de reivindicar a

IGUALDADE

De novo solicitan a nosa axuda para recoller roupa e calzado. Fai pouco tempo que tivemos unha campaña igual, pero somos VALENTES e volveremos intentalo!

As nosas familias sempre responden. Son solidarias!

FEBREIRO 2026

 

Na procura do ben común, facemos voluntariado de lectura:

Familias lectoras, Nós tamén contamos e Somos contacontos.

Proxecto o noso patio soñado

Traballando de forma cooperativa estamos deseñando o patio que nos gustaría ter.

En febreiro tivemos que entregar o noso traballo para o Concurso da ONCE.

Deseñamos unhas gafas.

XANEIRO 2026

 

DÍA DA PAZ

Nunca, nunca, nunca, podemos perder a esperanza de conseguir a paz.

Nós, así o facemos e, por iso todos os anos, cada 30 de xaneiro, celebramos

o Día Escolar da Non violencia e a Paz.

A ESPERANZA do mundo está na educación, que é a ferramenta máis poderosa para sermos  quen de construír unha humanidade mellor, máis igualitaria, equitativa, xusta e sostible. Por iso, nunca deixamos de celebrar o

24-X

   Nós non perdemos a ESPERANZA e confiamos en ser quen de frear o deterioro acelerado do planeta. Por iso, nada máis incorporarnos das vacacións, decidimos darlle un pulo á recollida de pilas. Recollemos todo o ano pero, despois do Nadal, andan moitas perdidas polas casas. Hai que recollelas!

DECEMBRO 2025

 
De xustiza é ocuparnos dos nosos maiores.

O grupo de voluntariado de biblioteca visitou a Residencia de Laraxe para facer un obradoiro de Nadal coas persoas residentes. Regalando simplemente un pouco do noso tempo sentimos que reciben alegría e cariño.

No Nadal tamén hai xente que o está pasando mal. 

Un pequeno xesto de empatía pode achegarlle unha pouca alegría.

Como somos solidari@s, polo Nadal, queremos selo tamén cos nosos queridos libros e, por iso, adoptamos libros.

Os nosos voluntarios e voluntarias seguen acompañando aos pequerrechos no seu tempo de lectura.

DÍA DAS PERSOAS CON DISCAPACIDADE

NOVEMBRO 2025

 
TENRURA amosa sempre para con nós a Panadería El Cruce. Non hai vez que baixemos á ribeira para limpar a praia, que  non teñamos preparados, cando vimos, cansos, de volta, todo costa arriba, uns boliños amasados especialmente para a rapazada dos Casais.

 Eles tamén son veciños solidarios!

Totalmente oposta a tenrura é a violencia.

NON VIOLENCIA.

STOP

TENRURA precisamos todos e todas, de maneira especial na infancia. Por iso necesitamos unha familia para medrar adecuadamente. Nós, tamén desde a tenrura, vimos a escola en pixama, para non esquecer nunca o importante que é ter unha familia e para pedila para todos os nenos e nenas.

OUTUBRO 2025

 
A AUTENTICIDADE é un dos obxectivos principais que perseguimos co CEIPP Os Casais. Buscamos que todos os nenos e nenas desenvolvan os seus talentos persoais, na procura de medrar como individuos únicos, irrepetibles e valiosos.

Un ano máis, recibimos na nosa biblio a Augas de Galicia. É importantísimo que coñezamos todo o relacionado coa xestión da auga, un ben primordial para a vida e que temos que aprender a coidar.

Durante o primeiro trimestre participamos no proxecto da ANPA DiversIDADES. Hai obradoiros para o alumnado, para o profesorado e para as familias. Recoñecer, respectar e valorar a diversidade como unha riqueza é o obxectivo deste curso.

Sempre pensando na natureza, no planeta e na vida, un ano máis participamos na Limpeza simultánea de Praias convocada por ADEGA. Nós imos da man de AETNA.

O que atopamos é xa un clásico: plásticos e neumáticos.

 

Aínda non é oficial, pero nós xa empezamos co voluntariado de biblioteca. A que esperar para botar unha man cando fai falta?

Que solidarias son as familias do CEIPP Os Casais!

No primeiro trimestre, a mamá de Ura, de maneira voluntaria e totalmente altruísta, impartiu obradoiros para todo o alumnado.

Grazas, Marta!

A Micabigotes gústalle moito que traballemos en equipo. Por iso comezamos cos nosos grupos interniveis.

   A principio de mes realizamos a nosa primeira campaña de recollida de roupa para Global Humanitaria e os seus proxectos de cooperación na India.

Grazas a outras persoas voluntarias e solidarias, recibimos uns obradoiros de micoloxía. 

AMABUL é unha asociación medioambiental que procura mellorar a contorna coa axuda da pedagoxía ambiental.

Grazas!

Este ano o tempo acompañounos e non tivemos que adiar a limpeza do río, coma tantas outras veces. Así que, empezamos forte e antes de que rematara setembro, acompañados pola Asociación Betula, fomos darlle un repaso ao río. Cada ano está un pouco mellor!

Iniciamos o cursos cos obradoiros de corresponsabilidade familiar. O reparto das tarefas da casa segue a ser un dos problemas que atentan contra a IGUALDADE.