DECEMBRO 2020

NO NADAL ADOPTA UN LIBRO

Nós somos solidari@s. Tamén cos nosos libros. Queremos que teñan unha boa vida. Se aquí xa non poden estar, o mellor é adoptalos, non?

CELEBRAMOS O DÍA DA DIVERSIDADE FUNCIONAL

Porque a diferenza suma.

PASAPORTES SOLIDARIOS

No mes de novembro recibimos os Pasaportes do curso anterior e tamén os diplomas do Voluntariado Galego.

   Os pasaportes novos, desta vez, foron moi diferentes aos dos outros anos, porque, como este ano é Xacobeo, recibimos os

 Pasaportes do Camiño.

NOVEMBRO 2020

25 - N

CONTRA A VIOLENCIA DE XÉNERO

Participamos coas ANPAS de Ferrolterra. Agora temos este cartel no cole.

20 - N

DEREITOS DA INFANCIA

Este curso non podemos xuntarnos nunca, así que, se queremos facer cousas para todos, que nos queda? Video! Este curso vai ser o curso dos videos.

Mirade que pegata máis chula nos regalou Mica:

Decidimos continuar co proxecto da biblio que deixamos sen rematar o curso pasado. Estamos moi content@s porque temos moito que investigar. O medio ambiente necesita da nosa axuda.

Non sabemos aínda o que faremos en cada clase, que este ano non podemos traballar xunt@s. Somos clases-burbulla.

Pero todo estará no sitio do curso pasado:

https://sites.google.com/site/oscasaiscoleverde/home

OUTUBRO 2020

MARZO 2020

Como cada ano, participamos na actividade en rede Conectandomundos. Hoxe mesmo elaboramos o noso manifesto.

FEBREIRO 2020

Este mes os nosos tapós solidarios irán destinados á campaña promovida polo Numancia de Ares en favor de Hugo.

@s Invencibles acaban de recibir o seu agasallo de participación no Concurso escolar ONCE.

 Na presente edición diseñaron unha bandeira da inclusión.
Sodes quen de imaxinala ondeando no cole ?
El@s, sí; por iso posan orgullos@s, polo bo traballo realizado en equipo.

XANEIRO 2020

Como cada ano, rematamos o mes de xaneiro co noso gran mural da PAZ.

O día 24 de xaneiro celebramos o
DÍA INTERNACIONAL DA EDUCACIÓN.

As nenas e nenos de 1º e 2º están ben concienzados da importancia de coidar o medio ambiente.
Mirade que agasallo tan chulo trouxo Joel.

Damos as grazas á súa familia por colaborar con el, e con nós, neste proxecto.

Sempre practicando democracia: o nome da nosa radio foi sometido a votación.

Xa temos firmados os compromisos de voluntariado que estaban adiados.

 Se é que son fantásticos!

Xa colocamos os 17 retos da Axenda 2030 nun lugar ben visible da entrada do cole.
Quédanos colocar o título, pero todo se andará.

DECEMBRO 2019

No Nadal acordámonos daquelas persoas ás que queremos. É unha boa ocasión para facer un agasallo. Por iso, pensando sempre nos nosos queridos libros, escollemos algún para ofrecer aos demáis.
Non van ser todos para nós!

Nós facemos moitas lecturas para os máis pequenos. 
Temos de quen aprender!

Son moitas as charlas que recibimos no noso camiño cara a ser bos cidadás.

Vaia sorte! Isto si que é un luxo.
Atopar xente altruista coma estes artistas non ten prezo.

Os nosos profesores tamén son solidarios e voluntarios de biblioteca. 

A primeiros de decembro sacamos unha foto coa pancarta de Coles Residuos 0 para participar nas reivindicacións do 6-N  ante a Cumbre do Clima que se está a celebrar en Madrid.

NOVEMBRO 2019

25- N
NON Á VIOLENCIA DE XÉNERO
Despois de facer o acto reivindicativo no noso cole (no que participamos todos), Helena e Daniela foron representarnos o acto celebrado na Fundación ABANCA, en Ferrol. 

Este mes lembramos de maneira especial o importante que é defender a igualdade. 
En 6º estamos investigando sobre grandes mulleres. En 4º, tamén.

Non perdemos ocasión de ler para os demáis (Mica tenos ben ensinados).

O día 27 as nenas e nenos de 6º convidaron a 1º e 2º a realizar un esfolla de maínzo compartida cuns voluntarios moi especiais: algunhas das persoas que viven na Domus Vi de Laraxe.
Compartindomomentos

20-N DÍA DOS DEREITOS DA INFANCIA
Todas as nenas e nenos do mundo temos dereito a vivir nun entorno saudable.

Unha terceira campaña de recollida de roupa!!!
Uff! Son moitas, non? Unha cada mes...
Pero... imos intentalo!
Algo atoparemos.

Alguén pensou que o noso Comando Verde non traballaba?

Aquí podedes ver algúns dos seus membros máis pequenos recorrendo as aulas para transmitir información aos outros cursos.

Qué importante labor fai o noso voluntariado de biblioteca!

Como non imos ser voluntarios nós, se temos de quen aprender. As nosas familias tamén son voluntarias!

Mirade estes exemplos; para proba, un botón.

OUTUBRO 2019

O mes de outubro dedicámolo á igualdade. Por iso inicamos a actividade Gústame...
Todos somos diferentes, mais somos iguais.

O día 23 achegámonos á residencia de Laraxe para compartir lecturas de Samaín cos maiores.
Esta experiencia, Compartindomomentos, parécenos moi enriquecedora e desfrutámola enormemente.

Qué faría Mica se non contara con tanta axuda como lle prestan @s voluntari@s? Fan unha e mil cousas diferentes. A súa colaboración é inestimable.
Moitísimas grazas!!!

Como nos gusta axudarnos entre nós!
Encántanos traballar en equipos interniveis. Así, os maiores podemos axudar aos máis pequenos. A eles gústalles moito vir con nós;  nós estamos moi contentos de que veñan.
Traballar xuntos mola!!!

E temos claro que a BIBLIO é un auténtico

VIVEIRO DE CIDADANÍA!!!

 Canto aprendemos con Mica!!!

RETO CONSEGUIDO!
A mediados do mes de outubro conseguimos superar o primeiro dos retos do Cole Verde.
Ningunha botella de plástico máis nas nosas merendas!
Mirade, todos usamos xa botellas reutilizables.

O luns, 14 de outubro, os voluntarios e voluntarias de biblioteca firmaron os seus compromisos.

Micabigotes está moi agradecida de que ofrezan o seu tempo de lecer para colaborar con ela.

Como nos ocurre todos os cursos, temos unha segunda campaña de recollida de roupa case ao mesmo tempo que a primeira.
Non importa!
Sempre conseguimos un pouco máis!

Este curso imos apostar forte pola conservación do medio ambiente. Xa temos un Comando Verde (formado por alumnado, profes, familias, ANPA e persoal non docente) que se ocupará de insistir na importancia de:

Reutilizar, reciclar, reducir.